Teknoskopioa

piratak

Ikastetxea: Hernani BHI

Maila: DBH4

Udalerria: Hernani

Irakaslea: Karlos Sukunza

Partaideak:

Aritz Hernani

Josu Azkue

Imanol Gonzalez

Proiektua

Teknologia gela batean

Gure ikerketaren emaitza da txostena, baina ez bakarrik hau. Blogean ipinitakoa da gure erakusleihoa, eta bideo eta argazkiz betea dago. Baina, txostenak laburbiltzen du egin dugun lan handia.

Bloga: Teknologia gela batean

Tecnalia korporazioa bisitaldia

Blog honi eta lehiaketari amaiera emateko garaia iritsi da. Irabazleok TECNALIAra bisitaldia amaitu berri dugu eta oso esperientzia polita izan da. Atzo, Pasaiako Azti-ra bisita egin genuen eta gaur, berriz, Inasmet-era. Oso desberdinak dira biak, baina oso entretenigarriak. Hau izan da gure esperientzia:

AZTI

Hemen, harrera eta gero, arrainen azterketa nolakoa den ikusi genuen: arrainak pisatu, luzera kalkulatu, otolitoak atera...; baita hauen arrautza kantitatea kontrolatu, ondoren arrantzatu daitezkeen jakiteko edo ez... Oso praktikoa izan zen eta gure eskuekin lan egin izan genuen. Hamaiketakoaren ondoren, kimika laborategira joan ginen eta hemen, Pasaiko portuaren uraren ikerketa txiki bat egin genuen: bere puretasuna, filtratu... Etxera bi libururekin eta afariarekin joan ginen (legatzekin egin baigenuen proba eta etxera eramateko aukera eman ziguten).

INASMET

Desberdina izan da gaurko esperientzia. Gaurkoan, materialarekin eta osasunarekin zerikusia zuen bisita egin dugu. Hasteko, osasunarekin hasi gara. Behi begiei kornea ateratzen ikusi dugu eta hauek aztertzeko zein pausu egiten diren ondoren. Hamaiketakoarekin amaitzean, meterialekin aritu gara: gogortasuna, mikroskopioak, atakea... hitz asko entzun ditugu eta oso interesgarria ere. Gainera ikertzaile batzuekin aritu gara hitz egiten eta beren esperientzia nolakoa izan den azaldu digute.

Oso gustora gaude. Jada agur esango diogu guretzako amets bat izan denari. Laster arte!

Iruzkinak(2)

Batezbestekoa: 5 (boto 1)

Eskerrikasko denei!

Lehiaketa amaitu da eta altu eta garbi esan dezakegu: merezi izan du! Kurtsoak iraun duen denbora honetan, teknologia orduak aprobetsatuz, gure ikerketa eta proiektua aurkeztu genuen. Las asko egin ondoren, ikastolan eta etxean, noraino iritsi ahal den pentsatzen dugu.

Memoria pixka bat: Gure irakasleak lehiaketa honi buruz hitz egin zigun, kurtso hasieran. Denek, oker ez bagaude, baietz esan genuen eta hor hasi zen gure ibilbidea. Baina norazkoa zein izango zen jakiteko, hau da, hurrats batzuk eta arazo batzuk gainditu behar izan genituen. Hasteko, lehenengoa, ez genekien zer egin! Motxila bat atekiduna, ordenagailuak eta mugikorrak kargatzeko makinaren bat...ez gure teknologia gela berritzea eta hobetzea pentsatu genuen. Zeinek uste zuen teknologia gela honek emango zigula saria?

Hurrengoz, ikerketarekin hasi ginen: zein material, erreminta, hardware, software... behar da teknologia gela on bat edukitzeko? Galdera honi erantzuteko aritu ginen lanean, maketa bat egiten genuen bitartean. Ondoren maketan instalazio elektrikoa landu genuen, etxean planoak 3 dimentsiotan egiten, bloga eguneratzen... eta txostena lantzen.

Orduan, gure ikasbidaitik bueltan gure mugikorreko interneteren esker ikusi ahal izan genuen bigarren faserako hautatuak geundela! Baina ez zen amaitu gure lana. Orain gure proiektua aurkeztu behar genuen, 10 minututan. Hor ere lanean aritu ginen: Prezi-ri esker aurkezpenaren lehen zatia egin ahal izan genuen, bigarren zatian bideoak jartzea erabaki genuen.

Heldu zen eguna. Arratsaldean azkeneko irakurketak gidoiari, nerbioak ezin eutsi, eta gelakide eta lagunek gu animatzen. Gure taxia iritsi eta Talent House bidean jarri ginen. Han, azkenak ginela jakin genuen eta beste proiektuak ikusi genituen. Egia esan, oso polita izan zen dena. Proiektu onak zeuden, baita aurkezpen dibertigarriak. Beno, gure unea iritsi zen eta gure proiektua saldu behar genuen.

Oso nerbioso geunden, oso. Baina nahiko ondo atera zitzaigun. Bukatzean, lasai geratu ginen eta epaileek irabazleak hautatzen zituzten bitartean Zientzia Live ekitaldia ikusi genuen. Baina bukaera iritsi zen, hasi ziren irabazleak zein ziren aipatzen. Orduan Hernani BHIko Teknologia gela batean proiektua izan zela irabazle esatean ezin genuen sinistu. Ez genekien zer egin, esan... Teknologia proiektu onena, eta ordenagailu bana eta Tecnaliara bisita. Ezin sinistu.

Irratia, aldizkariak, egunkariak... denetan atera zen gure proiektuaren berri. Harrigarria izan zen. Beno, jada bukatu da eta oso esperientzia ona izan da. Lana egiten baduzu lor daitekeelako. Eskerrikasko denei, gure irakasleari, Elhuyarri, Tecnaliari... denei! Merezi du-eta!

Orain bai, HURREN ARTE, PIRATAK!

JOSU AZKUE, IMANOL GONZALEZ, ARITZ HERNANI

Iruzkinak(1)

Batezbestekoa: 5 (boto 1)

TXOSTENA

Iritsi da unea, heldu da lehiaketaren lehenengo fasea eta lehaiketa amaitzen ari da. Txostena igotzeko ordua ailegatu da eta igota duzue Ikerketaren txostena orrialdean.

Orduan, gure lana lehiaketa honetan ia amaitutzat eman dezakegu. Espero dugu zuei gure proiektua gustatu izana, eta zuen iritziak asko poztuko gintuzke. Hurrengora arte, PIRATAK!

Iruzkinak(0)

Maketa amaituta!

Azkeneko egunean bukatu ditugu maketaren azkeneko detaileak. Hemen duzue bideo bat maketaren azalpen guztiekin. Ea zer iruditzen zaizuen.

Iruzkinak(1)

Batezbestekoa: 3 (2 boto)

MEMORIA

Proiektua edozein delarik, beti sortzen dira arazo batzuk. Arazo horiek beren soluzioa dute eta haiek konpontzeko gai gara. Nahiko arazo dexente eduki ditugu, bai ikerketan, bai maketa egitean.

MEMORIA alt="" width="400" height="265" />

Alde batetik, ikerketaren hasieran pentsatu genuen tailerra eta teoria gela zatitzen duen pareta leihorik gabe egotea, baina irakaslea teoria gelan badago ezin du kontrolatu tailerrean gertatzen dena, horregatik kristalera handi batzuk ipini genizkion. Bestetik, biltegia orain sarrera dagoen tokian jartzea pentsatu genuen, baina orduan arbela ez zen iristen eta ikasleek ez zuten ondo ikusiko. Horrela, mugitu eta arbela erraz ikusi daiteke. Amaitzeko, instalazio elektrikoa muntatzerakoan arazo txiki batzuk izan ditugu, baina errez konpondu genituen.

Iruzkinak(0)